0_Македонија.ПорталПолитика

Грковска – Ковачич: Само силни и ефикасни институции даваат резултати во борбата против организираниот криминал

„За ефикасно справување со нелегалните финансиски текови и организираниот криминал неопходно е Северна Македонија да го донесе Законот за потекло на имот, кој ќе овозможи конфискација на нелегално стекнатиот имот“, ова беше заклучено на денешниот состанок на заменичката на претседателот на Владата задолжена за политики за добро владеење, Славица Грковска која денеска одржа средба со делегација на Германското друштво за меѓународна соработка (ГИЗ) предводена од Марина Ковачич, лидер на компонентата за нелегални финансиски текови.

Скопје, 5 октомври 2022 (МИА) – „За ефикасно справување со нелегалните финансиски текови и организираниот криминал неопходно е Северна Македонија да го донесе Законот за потекло на имот, кој ќе овозможи конфискација на нелегално стекнатиот имот“, ова беше заклучено на денешниот состанок на заменичката на претседателот на Владата задолжена за политики за добро владеење, Славица Грковска која денеска одржа средба со делегација на Германското друштво за меѓународна соработка (ГИЗ) предводена од Марина Ковачич, лидер на компонентата за нелегални финансиски текови.

Како што соопштуваат од Влада, вицепремиерката Грковска изразила благодарност за поддршката што ГИЗ ја дава во однос на подготовката на Стратегијата за јакнење на капацитетите за водење на финансиска истрага и конфискација на имот и на Националната комисија за доследна реализација на активностите од Акцискиот план.

Нагласила дека сите искуства и практики што нашите надлежни институции ги добиваат од меѓународните партнери и експерти потоа треба да бидат имплементирани во соодветните ресори, со цел да се застане на патот на нелегалните финансиски текови и организираниот криминал.

-Северна Македонија е единствена држава во регионот што има подготвено и имплементира ваква Стратегија, а нејзината целосна имплементација ќе создаде ефикасен систем во борбата против корупцијата и криминалот, оценува Грковска.

Ковачич истакнал дека регионот се соочува со многу слични предизвици и затоа регионалниот стратешки пристап е неопходен за соодветно да се одговори на корупцијата, нелегалните финансиски текови и организираниот криминал. свс/нд/

Таг
Back to top button
Close
Close