Дописници МКДОпштински вести

Во Делчево и годинава продолжи традицијата „Во Селник на Петковден“

Христијанските верници од Пијанец и денеска се собраа во делчевското Селник, каде се одржа еден од поголемите собири за празникот Петковден. Славејќи го споменот на Св.Петка пред истоимената црква, која е една од најстарите во Делчевско, заштитена од државата, посетителите палеа свеќи за здравје, со што ја продолжија традицијата која поради пандемијата во изминатите две години се реализираше со помал број посетители.

Делчево, 27 октомври 2021 (МИА) – Христијанските верници од Пијанец и денеска се собраа во делчевското Селник, каде се одржа еден од поголемите собири за празникот Петковден. Славејќи го споменот на Св.Петка пред истоимената црква, која е една од најстарите во Делчевско, заштитена од државата, посетителите палеа свеќи за здравје, со што ја продолжија традицијата која поради пандемијата во изминатите две години се реализираше со помал број посетители.
-Пандемијата полека спласнува, луѓето бидејќи сакаат да се организираме и да си дојдат на Петковден денес ја посетија црквата која датира од 14 век. Со тоа придонесоа традицијата и оваа година да продолжи, истакна Љупчо Стојановски од црковниот одбор во село Селник.
Димитар Темелков, кој како црковно лице ги вршеше денешните обреди, истакна дека денес е посебен ден посветен на Пресвета Мајка Параскева, во народот позната како Св.Петка.
-Таа се одлучила својот живот преку својата проповед да го посвети на Христа, со што има големо обожавање меѓу луѓето. Црквата во Селник која го носи нејзиното име е многу стара црква, која датира од 14 век. Иако со години и години имало промена на нејзиниот изглед, верниот народ се потрудил да ја зачува онака како била поставена, со тоа што повремено се реновирала и го задржала првобитниот облик, рече Темелков,
Готвачите кои секоја година го подготвуваат ручекот за празникот, потенцираа дека на празникот во посните денови се подготвува посно гравче, додека во мрсните денови се жртвува јагне. -Малку не спречи короната во изминатите години, но традицијата продолжува, што значи дека короната ќе ја победиме и традицијата мора да се одржува, бидејки ова е селски собор, истакна еден од готвачите во Селник.
Во 2001 година, од страна на Министерството за култура, црквата „Св.Петка“ е прогласена за заштитен споменик на културата, како културното наследство на државата. вс/мд/

Back to top button
Close
Close