0_Спорт.ПорталОстанатоСпорт.Слајдер

Волф: Хамилтон и Верстапен треба да остават простор еден за друг на патеката и да избегнат инциденти

Извршниот директор на Мерцедес, Тото Волф ги објасни своите зборови по завршувањето на италијанското Гран при, кога рече дека Макс Верстапен направил „тактички фаул“ во судир со Луис Хамилтон знаејќи дека Британецот ќе победи ако остане напред.

Лондон, 17 септември 2021 (МИА) – Извршниот директор на Мерцедес, Тото Волф ги објасни своите зборови по завршувањето на италијанското Гран при, кога рече дека Макс Верстапен направил „тактички фаул“ во судир со Луис Хамилтон знаејќи дека Британецот ќе победи ако остане напред.

– Не, не мислев дека Макс е виновен за инцидентот. Мислам, однадвор може да изгледа како тактички фаул, со оглед на положбата на секој од двајцата возачи. Во иднина не би сакале повторно да гледаме епизоди во кои едниот пилот ќе го исфрли другиот од патеката, бидејќи ова ќе го види како единствена опција. Така што, и двајцата треба да си остават едни на други место на патеката, да се борат меѓу себе, но да избегнуваат такви инциденти, бидејќи пред тоа се одеше добро. Како што видовме, во Монца, системот на ореол го спаси животот на Луис, а во Силверстон, Макс беше силно погоден. Не би сакале некој да се повреди, потенцира Волф.

Во Генералниот пласман лидер е Верстапен со 226,5 бода, пред Хамилтон со 221,5, трет е Валтери Ботас со 141 бод. зс/

Таг
Back to top button
Close
Close