Локални избори 2021Општински вестиПолитички партииСкопје

Александар Георгиевски ја презеде функцијата градоначалник на општина Илинден

Новоизбраниот градоначалник на Општина Илинден Александар Георгиевски денеска го прими уверението што му го врачи Општинската изборна комисија, со што тој и официјално тој ја презема функцијата.

Скопје, 25 октомври 2021 (МИА) – Новоизбраниот градоначалник на Општина Илинден Александар Георгиевски денеска го прими уверението што му го врачи Општинската изборна комисија, со што тој и официјално ја презеде функцијата.

-Александар Георгиевски е нов градоначалник на Општина Илинден. Според конечните резултати, на седмите локални избори што се одржаа на 17 октомври 2021 година, уште во првиот круг тој ја обезбеди довербата на граѓаните да ја води општина Илинден во наредните четири години, соопшти Општина Илинден.

Уверението за избран градоначалник на Општина Илинден на градоначалникот Георгиевски, му го врачи претседателот на Општинската изборна комисија, Гоце Крстевски на пригодна свеченост што се одржа во конференциската сала на Домот на култура „Илинден“.

Уверенија за избрани советници на Советот на општина Илинден ги примија и новите 15 советници и тоа од ВМРО-ДПМНЕ и коалицијата: Верче Мицевска, Павле Павлески, Миле Стојановски, Борче Најдовски, Благоја Митровски, Светлана Слезенковска, Дарко Мицевски, Горан Гочевски и Драгана Бојковска, од СДСМ и коалицијата Мирјана Николовска, Милош Станковски и Новица Милев, од Група избирачи, Трајче Илиевски и Анета Здравковска и од Левица Кирил Слезенковски. сст/лв/

 

 

 

 

 

 

 

Back to top button
Close
Close