• A-
  • A
  • A+
вторник, 12 декември 2017, 

Пелистер против Шкендија во финалето на фудбалскиот Куп на Македонија

Пелистер против Шкендија во финалето на фудбалскиот Куп на Македонија

Битола, 19 април 2017 (МИА) – Екипите на битолски Пелистер и тетовска Шкендија обезбедија пласман во финалето во фудбалскиот Куп на Македонија. 
 
Фудбалерите на Пелистер забележаа победа со 1:0 против Брегалница во реванш полуфиналниот меч кој попладнево се одигра на стадионот „Тумбе кафе“ во Битола. 
 
Откако првата средба одиграна во Штип заврши нерешено 2:2, благодарение на погодокот на Бразилецот, Лукас Фереира Кардосо во 80-минута Пелистер со вкупен резултат 3:2 се пласира во финалето. 
 
За битолчани ова е прв финален меч по пауза од 16 години, откако во 2001-та во финалето ја совладаа Слога Југомагнат со 2:1. 
 
Тетовска Шкендија ќе има можност да го брани трофејот освоен минатата година, откако во полуфиналето го елиминира Вардар. Иако на денешниот реванш дуел Вардар со голот на Дарко Велковски во 60. минута победи со 1:0, сепак тоа не беше доволно да се анулира негативата од првата средба во Скопје каде тетовци победија со 3:1. 
 
Инаку овој меч го одбележа и подолгиот прекин во првото полувреме, откако судијата Ставрев оправдано им покажа црвени картони на капитените на двете екипи Грнчаров и Хасани, по што дојде до поголема мешаница на теренот, но и обид на дел од навивачите на домаќините да влезат на теренот, по што гостите од Скопје се повлекоа во соблекувалните. Сепак во продолжението мечот мина без инциденти. 
 
Финалниот натпревар на Купот на Македонија, Пелистер и Шкендија ќе го играат на 17 мај. ит/скс/18:22

###

 
 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Затвореник им се предаде на властите по 20 години минати во бегство

Затвореникот Гасан Салех (66), кој пред 20 години ...

Писториус повреден во затворска тепачка

Некогашниот параолимпиец Оскар Писториус е повреде...

Почина американски војник кој пијан дезертираше во Северна Кореја

Американски војник, кој пред повеќе од половина ве...

Егзибиционист од Кина ја сними својата смрт

Кинезот Ву Јонгнинг (26), кој важеше за Јутуб ѕвез...

Објавени номинациите за Златен глобус

Во Лос Анџелес синоќа беа објавени номинациите за ...