• A-
  • A
  • A+
четврток, 19 јануари 2017, 

Пунктот во Момин Поток отворен 24 часа до завршување на студениот бран

Пунктот во Момин Поток отворен 24 часа до завршување на студениот бран

Скопје, 11 јануари 2017 (МИА) - Пунктот за бездомни лица во Момин Поток ќе биде отворен 24 часа до завршување на стидениот бран, за прифаќање на лицата кои имаат потреба да бидат згрижени во деновите кога температурите паѓаат под нулата.

Како што информираат од Град Скопје, тимови од пунктот со возило ги преземаат бездомниците од местата каде што се лоцирани, а бездомниците може да го повикаат тимот на телефонскиот број 3139 578 во Дирекцијата на Црвениот крст на град Скопје.

Пунктот за бездомни лица функционира веќе осум години. Тој е отворен преку целата година и лицата два пати неделно може да користат услуги за одржување хигиена, медицинска заштита и лекови, облека, психолошка поддршка, правна помош, фризерски услуги, како и дневен оброк кога лицето е во пунктот. Во 2010 година од буџетот на Град Скопје се набавени и целосно опреми два контејнера со 16 кревети и бања.

Досега, со поддршка на Град Скопје, 8 лица се работно ангажирани во јавните претпријатија. Оваа практика, како што информираат од Град Скопје, е планирано и во иднина да продолжи и да им помага на оваа категорија граѓани. Црвен крст на Град Скопје, кој е координатор на активностите на Пунктот за бездомни лица во Момин Поток, секоја година е поддржан со 500.000 денари од буџетот на Град Скопје. 

Градот Скопје, како што се наведува во соопштението, и во иднина од буџетот ќе издвојува средства за финансирање на овој пункт и за проширување на неговите капацитети, односно за помагање на оваа катергорија граѓани и на сите граѓани коишто имаат потреба да бидат згрижени. аа/вј/11:12

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Бети Вајт 95, роденден го прослави на снимање

Актерката Бети Вајт својот 95. роденден го прослав...

Премиера на Враќањето на Ксандер Кејџ, ФХ3Х дел од ефектите

Македонската компанија за анимација и визуелни ефе...

Автомобил паркиран на тераса

На руските социјални мрежи се појави фотографија к...

Новак Ѓоковиќ купил два апартмана на Менхетн

Српскиот тенисер Новак Ѓоковиќ, кој моментно се на...

Какво возило има Хомер Симпсон

Симпсонови се едно от најпознатите семејства во СА...