• A-
  • A
  • A+

четврток, 21 септември 2017, 

Шекеринска се сретна со македонски воени аташеа и воениот претставник на постојаната мисија во НАТО

Шекеринска се сретна со македонски воени аташеа и воениот претставник на постојаната мисија во НАТО

Скопје, 18 август 2017 (МИА) - Министерката за одбрана, Радмила Шекеринска денеска во Скопје одржа состанок со одбранбените аташеа на Република Македонија во САД, Турција, и СР Германија, со воениот претставник на РМ при НАТО и со нерезидентното аташе за Косово, Црна Гора и Босна и Херцеговина.

Министерката Шекеринска, соопштуваат од нејзиниот Кабинет, ги информираше воените претставници на Република Македонија за актуелните состојби во Министерството за одбрана, како и за идните планови, фокусирајќи се на претстојната изработка на стратегиските документи од доменот на одбраната и чекорите кои ќе се преземат во однос на постапното зголемување на одбранбениот буџет. Дополнително, министерката зборуваше и за тоа што треба да се преземе во насока на подобрување на интерните процеси и процедури во Министерството за одбрана и начините за идна комуникација, а се со цел заеднички и координиран настап пред странските партнери и пријатели.

За време на состанокот аташеата ја информираа министерката за одбрана за актуелните состојби во земјите за кои се задолжени, како и за актуелните случувања во НАТО, за редовните и вонредни активности кои ги спроведуваат со акцент на периодот јануари-август 2017 година, како и за нивните идеи и препораки за идниот период.

Од страна на министерката Шекеринска беше побарано од нашите претставници да продолжат интензивно да работат за континуирано јакнење на довербата и соработката со партнерите, во насока на остварување на стратешката цел на државата – членство во НАТО.

Беше заклучено дека ваквиот тип на состаноци се корисни и ќе се одржуваат еднаш годишно. вј/сст/18:34

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Морган Фримен „открива“ кој е Владимир Путин (видео)

Комитетот за истрага што го води случајот за новод...

Истражување: На чантите има повеќе бактерии отколку во тоалетната школка

Според најново истражување на Институтот „Гуд Хаус...

Личните предмети на Одри Хепберн првпат на аукција

Аукциската куќа во Лондон, Кристис, за првпат орга...

По 75 години брак, сопружници починале на ист ден

Британка и Канаѓанец, кои се венчале за време на В...

Се продава магазинот „Ролинг Стоун“

Во интервју за „Њујорк Тајмс“, Венер изјави дека т...