• A-
  • A
  • A+

вторник, 22 август 2017, 

Отворен нов Центар за млади и децата со сетилна попреченост

Отворен нов Центар за млади и децата со сетилна попреченост

Скопје, 21 април 2017 (МИА) - Под мотото „Место за секој има еднакво под сонцето“ денеска НВО „Детски Свет - Нов Почеток“ и уште неколку невладини организаци ги отворија новите простории и најавија повеќе проектни активности за лицата со оштетен вид, слух и говор.

Претседателот на НВО „Детски Свет-Нов Почеток“ Суарет Алишан, кој и самиот е со оштетен вид, вели дека тие покажале дека со волја и упорност, може да се победи темнината и да се осветли патот кон иднината за лицата со попреченост. 

- Новиот Центар што денеска го отвораме ќе нуди психо-социјална поддршка за деца и младинци со визуелна попреченост како со видот, слухот така и говорот. Првпат децата ќе можат да бидат мотивирани да размислуваат и да бидат покреативни, истакна Алишан.

Тој најави дека за една недела ќе биде отворен нивниот портал „НВО-Блиску до граѓаните“ кој ќе биде од социјален карактер и кој ќе има само социјални содржини, ќе биде интерактивен со поддршка за лицата со сетилна попреченост и за лица опфатени со социјален ризик.

- Нашата организација сака да покаже дека понекогаш спортот не е пречка ние да бидеме еднакви. Во наредниве денови додека треа проектот, односно до 24 мај ќе покажеме како слепите и глувите деца возат ролерки, како играат фудбал и како уживаат во другите спортови, информира Алишан.

Според него законите во образованието за децата со сетилни проблеми се, како што рече, испомешани, а претходно без да ја скенираат ситуацијата ја донеле инклузијата за тие лица. Тој постави прашање како едно слепо дете ќе биде вклучено во редовно образование кога нема стручен дефектолошки тим, а пред се на студиите за дефектологија нема ниту смер наменет за слепи и за глуви лица.

На отворањето на просториите на НВО присуствуваа дечиња со оштетен вид ученици во  Државното  училиште  за рехабилитација на деца и младинци со оштетен вид „Димитар Влахов“.

Од Организацијата информираат дека Програмата за деца и млади со попреченост и деца опфатени од социјален ризик ќе се фокусира на прилагодување на програмските активности со можностите на државата, основната цел ќе биде да се настојува што побрзо нашето законодавство во делот кој се однесува на децата и младите со визуелена попреченост и деца опфатени од социјален ризик да се прилагоди кон Европската законска регулатива. бк/скс/14:43

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ