• A-
  • A
  • A+

сабота, 29 април 2017, 

Протести на Косово и во Албанија за подршка на Рамуш Харадинај

Протести на Косово и во Албанија за подршка на Рамуш Харадинај

Приштина, 11 јануари 2017 (МИА) - Стотици косовски Албанци се собраа на протести во градовите Ѓаковица и Гнилане за поддршка на поранешниот косовски премиер Рамуш Харадинај, кој беше уапсен во Франција по барање на Србија, а по обвинение за воени злосторства. 

Демонстрантите побараа итно ослободување и истакнаа дека „Харадинај е симбол на Косово“. 

Тие ги споредија српските власти и премиерот Александар Вучиќ со властите од времето на Слободан Милошевиќ. 

„Вучиќ=Милошевиќ“ - пишуваше на еден од транспарентите на протестот во Ѓаковица. 

На протестите главно учествуваа поранешни војници од „Ослободителната војска на Косово“. 

Протест за поддршка на Харадинај беше организиран денеска и во Тирана. см/ссм/17:37

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.