• A-
  • A
  • A+

понеделник, 26 јуни 2017, 

Матис: Сирија не го предаде целото хемиско оружје

Матис: Сирија не го предаде целото хемиско оружје

Тел Авив, 21 април 2017 (МИА) - Нема сомнеж дека режимот на сирискиот претседател Башар ал Асад го прекрши договорот за предавање на целиот хемиски арсенал, со тоа што задржал дел од хемиското оружје, изјави американскиот секретар за одбрана Џејмс Матис.

Тој, на заедничка прес-конференција со израелскиот министер за одбрана Авигдор Либерман во Тел Авив, посочи дека тоа е кршење на резолуциите на Советот за безбедност на Обединети нации и оти тоа прашање треба да се разгледува на дипломатско ниво.

Либерман одби да ги коментира наводите на израелското разузнавање дека Сирија се уште поседува од еден до три тони хемиско оружје.

- Израел располага со стопроцентна информација дека режимот на Асад употребил хемиско оружје против бунтовниците, истакна Либерман.

Матис наведе дека изминатите денови, по американските ракетни напади врз авиобазата во провинцијата Хомс на 7 април, сириската воена авијација ги распоредила авионите на различни локации.

Предвидено е при престојот во Израел, Матис да се сретне и со израелскиот премиер Бенјамин Нетанјаху. ми/сп/12:19

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Метеоролог „оддуван“ во живо (видео)

Во Ирска, презентерот на временската прогноза Дере...

Природна ванила се помалку, за еден килограм сладолед 500 евра

Цената на природниот сладолед од ванила во изминат...

НАСА ја демантира Гвинет Палтроу

Актерката Гвинет Палтроу е сопственичка на Интерне...

Сиена Милер бара актерките да бидат повеќе платени од нивните машки колеги

Холивудската актерка Сиена Милер се осврна на родо...

Принцот Хари сакал да се повлече од британското кралско семејство

Британскиот принц Хари, помладиот син на престолон...