• A-
  • A
  • A+

недела, 23 јули 2017, 

Дачиќ: Албанците треба добро да ги одмерат своите зборови

Дачиќ: Албанците треба добро да ги одмерат своите зборови

Белград, 21 април 2017 (МИА) - Албанските политичари станаа закана за мирот и стабилноста на Балканот и Европа, оцени српскиот вицепремиер и министер за надворешни работи Ивица Дачиќ, коментирајќи ги изјавите за можно обединување на Албанија и Косово. 

- Албанците би требало добро да ги одмерат своите зборови, бидејќи на меѓународната сцена веќе ги нема нивните заштитници, кои ја бомбардираа Србија, за да и го одземат Косово. Тоа нема да се повтори никогаш повеќе, рече Дачиќ. 

Според Дачиќ, како што јави Танјуг, „координиратите изјави“ на албанскиот премиер Еди Рама, косовскиот претседател Хашим Тачи и претстедателот на Националниот совет на албанското малцинство во Србија, Јонуз Муслиу, покажуаат дека „Голема Албанија е цел на сите Албанци“. - Муслиу кон неа го придодаде и Ниш, а утре ќе ги додаде и Скопје и Улцињ и Епир, нагласи Дачиќ.

Тој истакна дека Србија не провоцира никого, но исто така и не стравува од никого.

Дачиќ праша дали ЕУ, САД и Велика Британија ќе реагираат на ваквата ситуација. - Доколку не го сторат тоа сега, кога Голема Албанија ќе стигне до Ниш ќе бидат директно одговорни за последиците, предупреди тој.

- Она за што зборуваат албанските политичари за среќа е само мечта. Но, искуството не учи колку е кус патот од мечтата до кошмарот, додаде српскиот министер за надворешни работи. 

Муслиу, кој е и градоначалник на општина Бујановац, вчера изјави дека официјална Тирана „ја има неговата целосна поддршка за обединување на Албанија и Косово, доколку не бидат примени во ЕУ, но не и без Прешево“.

Тој смета дека „без Ниш нема да има Голема Албанија“ и додаде дека Хашим Тачи и Еди Рама имаат морална должност во тоа „обединување“ да го вклучат и реонот на Прешево, Медвеѓа и Бујановац, кој го нарече „источно Косово“, бидејќи во спротивно ќе извршат „национално предавство“.

- Без Ниш тоа нема да биде Голема Албанија и Србија треба дури да ни биде благодарна дека Албанците сакаат обединување само на Албанија, Косово и Прешевската Долина, додаде градоначалникот на Бујановац. ац/сп/10:08

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Почина актерот Џон Херд

Американскиот актер Џон Херд, познат по улогата на...

Принцот Џорџ го слави четвртиот роденден

Британскиот принц Џорџ денеска го слави четвртиот ...

Шише „Пенфолд гранж“ на аукција во Австралија продадено за над 35.000 евра

Шише исклучително ретко вино на познатата австрали...

Почина српскиот пејач Предраг Гојковиќ - Цуне

Доајенот на српската староградска и народна музика...