• A-
  • A
  • A+

четврток, 21 септември 2017, 

Римини: Том Круз е дијаболик

Римини: Том Круз е дијаболик

Лос Анџелес, 18 август 2017 (МИА) - Глумицата и поранешен саентолог Леа Римини повторно го нападна најславниот член на таа црква Том Круз. 

Римини, која саентологијата ја напуштила во 2013 година, го нарече Круз „дијаболик”.

Таа на социјалната мрежа Редит одговараше на прашања по повод својата документарна серија „Leah Rеmini: Scientology and the Aftermath”. Еден член на таа мрежа ја прашал дали Том Круз е добар човек.

„Не! Едноставно – не!” – напиша Римини. „Имате еден човек кој ве гледа право во очи, се ракува со вас, ве прегрнува и е внимателен, а сосема друг човек стои зад маската”.

„Некој би можел да каже дека сите сме такви, дека на еден начин се претставуваме во јавноста, а на друг начин приватно. Но сите луѓе кои се околу Том и работат за него, кои не се саентолози, ќе ви кажат дека тој е дијаболик. Луѓето кои работеа со мене ќе ви кажат дека јас умеам да бидам лоша – сите глумци се такви. Тоа е нешто друго. Тој е сличен на Дејвид Мискевиџ, како да се близнаци”.

Инаку Дејвид Мискевиџ со кој Римини го споредила Том Круз е водач на саентолошката црква.

Прашана како сега ја третираат другите членови на саентолошката црква од Холивуд, глумицата напиша: „Ме игнорираат и ја напуштаат просторијата”.

Така глумицата и саентологот Елизабет Мос наводно ја напуштила салата на доделување награда на Здружението на ТВ критичари кога Римини излегла на сцената да го прими признанието.

„Елизабет Мос смисли дека не смее да разговара со мене” – рече Римини во интервју за „The Hollywood Reporter” објавено по три дена од тој инцидент.

„Во саентологијата постои нешто што се вика – Прифатлива вистина. Тоа значи дека можете да кажете само нешто што е прифатливо за јавноста. Таа мисли дека јас сум асоцијално лице, затоа што зборував против саентологијата. Затоа не и е дозволено да разговара со мене, а јас нема да ја ставам во непријатна ситуација”. вз/ссм/09:14

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Морган Фримен „открива“ кој е Владимир Путин (видео)

Комитетот за истрага што го води случајот за новод...

Истражување: На чантите има повеќе бактерии отколку во тоалетната школка

Според најново истражување на Институтот „Гуд Хаус...

Личните предмети на Одри Хепберн првпат на аукција

Аукциската куќа во Лондон, Кристис, за првпат орга...

По 75 години брак, сопружници починале на ист ден

Британка и Канаѓанец, кои се венчале за време на В...

Се продава магазинот „Ролинг Стоун“

Во интервју за „Њујорк Тајмс“, Венер изјави дека т...